weather

USD 2.0255

EURO 2.28

RUR(100) 3.215

search

У субботу - калядная сустрэча “Шчодры вечар”

12 студзеня а 12:00 на сцэнічнай пляцоўцы  Ганцавіцкага раённага дома рамёстваў  (вул. Суворава, 2) адбудзецца калядная сустрэча “Шчодры вечар”. 

Дарослыя і дзіцячыя фальклорныя калектывы з Ганцавіцкага раёна ў жывой нязмушанай атмасферы прадставяць традыцыі святкавання Каляд у сваёй мясцовасці. Удзельнікі гуртоў паспяхова вывучаюць і пераймаюць ад носьбітаў абрады, спевы, танцы ды іншыя складнікі традыцыйнай культуры, папулярызуюць культурную спадчыну свайго краю.

Для ўдзельнікаў і гасцей сустрэчы адбудзецца паказ каляднай дзеі “Батлеемскія цуды” традыцыйнага лялечнага тэатра “Батлейка”, майстар-клас па вырабе каляднай зоркі, пляцоўка з гульнямі і гарбатай.

Падчас мерапрыемства будзе працаваць рынак рамеснікаў, дзе можна набыць прыгожыя падарункі і сувеніры.

Уваход свабодны! 

Падрабязней даведацца пра сустрэчу ці запісацца на рынак рамеснікаў можна па тэлефоне 2-21-48.

Фото: gnckult.by

Материалы по теме
Из рубрики