weather

USD 2.4008

EURO 2.6736

RUR(100) 3.4492

search

На свяце вёскі ў Дзяніскавічах весялілі кругаўцы (фота)

З песнямі ды танцамі адзначылі 11 жніўня свята вёскі жыхары і госці Дзяніскавіч. Як заўсёды, ветлівыя вяскоўцы прымалі музычныя віншаванні ад сваіх культработнікаў, калектыву Круговіцкага СДК і нават ад артыстаў з Ганцавіч.

 Cвята вёскі ў Дзяніскавічах
Cвята вёскі ў Дзяніскавічах

«Артысты – малайцы, амаль дзве гадзіны радавалі нас песнямі. Мне вельмі спадабалася, ды і ад іншых жыхароў чула толькі добрыя водгукі», – расказала старшыня Дзяніскавіцкага сельвыканкама Людміла Дубоўская.

Прыйшліся вяскоўцам да душы выступленні Мікалая Мядзведзева і Уладзіміра Туманіка, якія выступалі ў Дзяніскавічах упершыню, а таксама Тамары Локтыш. Павесялілі вяскоўцаў і круговіцкія гумарысты Леанід Блінкоўскі і Сяргей Занька.

Cвята вёскі ў Дзяніскавічах
Cвята вёскі ў Дзяніскавічах

Прыемна было дзяніскаўцам прымаць і асабістыя віншаванні. Падчас канцэртнай праграмы арганізатары свята адзначылі самага маленькага і самых пажылых жыхароў вёскі. Самым малым з`яўляецца хлопчык Канстанцін, народжаны ў гэтым годзе ў сям`і Веранікі Швайкі. А сярод самых пажылых жыхароў вёскі жанчыны Кацярына Бруй і Таццяна Пупач, якія маюць па 87 гадоў.

Сярод мужчын па сталасці лідзіруюць адзіны ў вёсцы ветэран вайны Васілій Берташ і Андрэй Карпеня. Сёлета мужчынам споўнілася па 92 годы. Праўда, ветэран Васілій Рыгоравіч трохі старэйшы, бо адсвяткаваў дзень народзін яшчэ ў студзені.

В каком селе Ганцевичского района рассчитывают на грандиозный праздник (и как раньше проходили праздники деревень)

А вось Андрэя Міронавіча віншавалі ўсёй вёскай, бо яго дзень народзін прыйшоўся якраз на свята 11 жніўня. У выхадныя пагулялі і жыхары іншых вёсак. Святы адбыліся ў Малькавічах, Задуб`і і Палоні.

У наступныя выхадныя адпачнуць жыхары яшчэ пяці вёсак:

17 жніўня

Вялікія Круговічы (з 18.00 да 0.00)

Турнір па футболе на прызы газеты «Ганцавіцкі час» (пачатак у 16.00)

18 жніўня

Макава (з 12.00 да 15.00)

Нача (з 15.00 да 22.00)

Хатынічы (з 15.00 да 23.00)

Малыя Круговічы (з 19.00 да 23.00)

Подпишитесь на наш канал
comments powered by HyperComments
Из рубрики