weather

USD 2.4924

EURO 2.9464

RUR(100) 3.426

search

Будчакі на свяце вёскі адзначылі шэсць вяселляў

Пад крыкі «горка!» і бурныя апладысменты віталі будчакі на свяце вёскі маладажонаў і сямейныя пары, якія адзначылі ў гэтым годзе 50-годдзе сямейнага жыцця.

Сваё вяселле у жнівеньскія выхадныя адсвяткавалі Таццяна і Сяргей Свіржыцкія. Яны не хавалі сваёй радасці і шчыра цалаваліся і частаваліся шампанскім, калі арганізатары мерапрыемства запрасілі іх на сцэну. З сямейным святам будчакі павіншавалі яшчэ пяць пар, якія ў гэтым годзе адзначаюць залатое вяселле. Гэта сем`і Марыі Дзянісаўны і Івана Пятровіча Савені, Лідзіі Пракопаўны і Пятра Якаўлевіча Герасіменяў, Надзеі Аляксееўны і Арсеня Паўлавіча Дайлідаў, Марыі Якаўлеўны і Рыгора Георгіевіча Новікаў, Еўдакіі Іванаўны і Сцяпана Захаравіча Савеняў. У падарунак усіх маладажонаў арганізатары запрасілі на белы танец.

Будчакі на свяце вёскі адзначылі шэсць вяселляў

Шмат песень і цёплых слоў сыпалася са сцэны ў адрас імяніннікаў Вольгі Іванаўны Хандрыкі (70 гадоў), Надзеі Мікалаеўны Савені (74 гады), Мікалая Сяргеевіча Савені (62 гады).

Будчакі на свяце вёскі адзначылі шэсць вяселляў

Прыгожымі песнямі віталі на свяце самую старэйшую жыхарку – Ксенію Паўлаўну Кандраценю, якая летам адзначыла 95-гадовы юбілей, і самага малодшага – Антона, які нарадзіўся 12 жніўня ў сям`і Наталлі і Рыгора Кролікаў.

Будчакі на свяце вёскі адзначылі шэсць вяселляў

Падчас віншаванняў па традыцыі на свяце вёскі жыхары разыгралі бяспройгрышную латарэю і прынялі ўдзел у розных конкурсах. Добрага настрою дадавала будчакам цёплае сонечнае надвор’е.

Из рубрики
Top