weather

USD 2.5486

EURO 2.8758

RUR(100) 3.4345

search

Браканьер траўміраваў начальніка інспекцыі

У хірургічнае аддзяленне райбальніцы 8 красавіка з сур’ёзнай траўмай нагі пасля рэйду па выяўленні рыбакоў-браканьераў трапіў начальнік Ганцавіцкай міжраённай інспекцыі аховы жывёльнага і расліннага свету Міхаіл Пішч. Невядомы браканьер на легкавым аўтамабілі праігнараваў сігнал “спыніцца”, наехаў на ахоўніка прыроды, прыціснуўшы яго да службовага УАЗа, пасля чаго знік з месца здарэння.

фото с сайта http://novostivl.ru/files/files/28/27728.jpg
фото с сайта http://novostivl.ru/files/files/28/27728.jpg

Такое дзёрзкае нападзенне на супрацоўнікаў Міжраённай інспекцыі аховы жывёльнага і расліннага свету было здзейснена ў Ганцавіцкім раёне ўпершыню.

“Не чакаў я такога, ніколі за ўвесь час працы падобных выпадкаў не здаралася, таму ні я, ні калегі не паспелі нават зброю прымяніць”, – сказаў Міхаіл Васільевіч.

Як расказаў начальнік інспекцыі, якога аўтар гэтага артыкула наведаў у бальніцы, рэйдавая група ў складзе трох чалавек пачала сачыць за падазронымі людзьмі, якія знаходзіліся каля вадасховішча “Лактышы”, яшчэ з вечара ў суботу. Некалькі машын стаялі на дамбе вадасховішча “Лактышы”, якое ў народзе называюць во-зера “Дзікае”. І яшчэ некалькі чалавек былі на веласіпедах, – напэўна, сачылі за абстаноўкай, і павінны былі папярэдзіць аб набліжэнні “рыбаховы”.

“Гэта была фактычна арганізаваная групіроўка. Па ўсім было відаць, што дзейнічалі яны ўжо не ўпершыню: тры машыны і некалькі чалавек на веласіпедах, – сказаў Міхаіл Пішч. – Дзе яны лавілі рыбу, ці ў возеры, ці недзе на тэрыторыі ААТ «Рыбгас “Лактышы”, устанавіць цяжка, але ўлоў, напэўна, быў немалы”.

Інспектары сядзелі ў засадзе амаль да раніцы. Каля чатырох гадзін, калі было яшчэ цёмна, у бок, дзе стаяў службовы УАЗ, рухалася легкавушка. Начальнік інспекцыі выйшаў і, святлоадбівальным дыскам даў загад спыніцца, каб праверыць, што вязуць у гэтай машыне. “Машына прытармазіла, а потым рэзка павярнула ў мой бок, прыціснуўшы мяне да УАЗа. Усё адбылося вельмі хутка і нечакана. Я ўбачыў толькі, што ў машыне сядзелі трое, і былі яны са спужанымі тварамі”, – расказаў Міхаіл Васільевіч. Працягнуўшы ад пярэдняга да задняга крыла машыны начальніка інспекцыі, легкавушка ўперлася збоку ў задняе кола, вадзіцель газаваў так, што адсунуў УАЗ з дарогі на ўзбочыну. А потым, здаўшы назад, аўтамашына рванула і скрылася.

Адзін інспектар быў у засадзе, другі таксама не паспеў зрэагаваць на такую нахабнасць браканьераў. Не змаглі інспектары заўважыць ні нумара, ні маркі машыны.

УАЗ атрымаў ўмяціны дзвярэй, хутчэй за ўсё, ёсць пашкоджанні ёсць і ў легкавушкі, што павінна аблегчыць пошук парушальнікаў.

Па словах Міхаіла Васільевіча, урач-хірург абнадзеіў, што пераломаў няма, але нагу “закавалі” ў гіпс.

Пра прынцыповасць і непадкупнасць начальніка міжраённай інспекцыі аховы жывёльнага і расліннага свету Міхаіла Пішча і інспектараў ўжо стварыўся пэўны імідж. І некаторыя ганцаўчане па-сяброўску не раз казалі пра тое, што трэба быць асцярожным, бо добрасумленная служба можа стаць рызыкоўнай для здароўя, а прынцыповасць не давядзе да дабра. На гэтыя папярэджанні Міхаіл Васільевіч адказаў: “Трэба ж некаму гэтым займацца, ёсць законы, правілы, і іх нельга парушаць, і павінны быць людзі, якія будуць лавіць браканьераў”.

Пакуль начальнік інспекцыі ў бальніцы, супрацоўнікі праваахоўных органаў шукаюць злачынцаў, якія дзеля нажывы падверглі небяспецы жыццё чалавека. На момант вёрсткі, 12 красавіка, звесткаў пра тое, што парушальнікаў знайшлі, не паступала.

Ищите мицубиси лансер х в Москве? Мы вам поможем!
Из рубрики
Top