weather

USD 2.554

EURO 3.0845

RUR(100) 3.4528

search

Памёр навуковец і паэт з Чудзіна

На 54-м годзе жыцця 25 лютага памёр гісторык, паэт, публіцыст Эдуард Дубянецкі.

Эдуард Дубянецкі
Эдуард Дубянецкі

Ён паходзіў з вёскі Чудзін Ганцавіцкага раёна, у якой нарадзіўся ў 1966-ым годзе. Ягоным бацькам з’яўляўся філосаф, палітолаг і публіцыст Станіслаў Дубянецкі.

 У 1992—2004 гадах Эдуард Станіслававіч быў навуковым супрацоўнікам Скарынаўскага цэнтра, з 2004 года — вядучым навуковым супрацоўнікам Беларускага дзяржаўнага педагагічнага універсітэта імя М. Танка.

Эдуард Дубянецкі з’яўляецца аўтарам чатырох навукова-папулярных кніг і звыш 200 навуковых, публіцыстычных і літаратурных артыкулаў і эсэ. У 2011 годзе творчы чалавек выдаў кнігу паэзіі “Душы маёй няскончаны палёт”. У 2012 годзе Эдуард стаў членам Саюзу беларускіх пісьменнікаў.

На старонцы ў «Фэйсбуку» ў Эдуарда шмат успамінаў і добрых слоў пра яго, а таксама спачуванні ягоным родным ад сяброў, калег, знаёмых. Апошнія запісы самога Эдуарда – віншаванне беларусаў з Днём роднай мовы (21лютага) і разважанні да 85-годдзя народнага паэта Рыгора Барадуліна (24 лютага). 

Адно са спачуванняў з «Фэйсбука»:

Светлая галава, шчырае сэрца… Пайшоў з жыцця Эдуард Дубянецкі… Смуткую… Спачуванне родным…

Эдуард Дубянецкі
Эдуард Дубянецкі

НІДЗЕ І ПАЎСЮЛЬ

Пайсці, упасці ў мурог.

Духмяны, што пад сонцам белым.

І слухаць ветру ціхі спеў,

І бачыць птушак ў паднябессі…

І стацца птушкаю і сонцам,

І лётаць, нібы матылёк.

А потым растварыцца, быццам

У моры кропелька дажджу…

І адчуваць:

Цябе няма

Нідзе у гэтым свеце Божым,

І ў той жа час ты ёсць паўсюль,

Ў травінцы кожнай, кожным дрэве,

У кожнай кветачцы на лузе…

«Душы маёй няскончаны палёт», Мінск 2011г.

Подпишитесь на наш канал
comments powered by HyperComments
Из рубрики