Ганцаўчанка напісала верш і выйграла паездку ў Швецыю
Галоўную ўзнагароду – паездку ў Швецыю – выйграла вучаніца СШ №3 г. Ганцавічы Яўгенія Пракапчук. Яе верш “Ціха зёлкамі…” ў рамках конкура шведскай і беларускай літаратуры, фінал якога праходзіў 21–22 мая ў Брэсцкай абласной бібліятэцы імя М. Горкага, журы прызнала лепшым сярод больш за сотню твораў аўтараў юнацкай паэзіі.

Ганцаўчанка Яўгенія Піліпчук напісала верш і выйграла паездку ў Швецыю
Для ўдзелу ў фінале конкурса юнацкай паэзіі было адабрана 9 са 138 удзельнікаў ва ўзросце ад 15 да 18 гадоў з розных рэгіёнаў Брэстчыны. Па выніках вызначыліся пераможцы. Другое месца падзялілі Вольга Касцючык, вучаніца Антопальскай сярэдняй школы Драгічынскага раёна (верш “Пасланне”) і Вольга Цепун, вучаніца гімназіі №3 г. Пінска (верш “Рождественский ноктюрн”). Трэцяе месца занялі Анастасія Булыга, студэнтка Брэсцкага дзяржаўнага каледжа сферы абслугоўвання (верш “Васількі”) і Глеб Дубінін, вучань сярэдняй школы в. Малоткавічы Пінскага раёна (верш “Кветкі”). Усе фіналісты атрымалі дыпломы і прызы, а пераможцы – яшчэ і турыстычныя наборы.
Нягледзячы на тое, што судзейская камісія паставілася да пачаткоўцаў-паэтаў даволі лаяльна (у асноўным выстаўляліся найвышэйшыя ацэнкі-адзнакі), юныя паэты прыкметна хваляваліся. І гэта не дзіўна: выніковы бал падлічваўся непасрэдна пасля чытання твора перад усёй глядацкай аўдыторыяй.
Усе прысутныя разумелі хваляванне канкурсантаў і іх імкненне да перамогі, усяляк іх падтрымлівалі. Усе разумелі: пераможцу чакае паездка за мяжу.
Чыталіся творы як на роднай, так і на рускай мове, з музычным суправаджэннем і без яго. Адна з удзельніц у якасці падарунка замежным гасцям (па-за рамкамі конкурсу) нават праспявала песню. Тэматыка твораў была розная: філасофскае разважанне, патрыятычнасць, расказ пра сваё, сакраментальнае, любоў да Радзімы…
Перад узнагароджваннем пераможцы вядучыя наладзілі яшчэ адно выпрабаванне: патрэбна было адказаць на некалькі пытанняў «на засыпку». Дзяўчыне спатрэбілася назваць сталіцу Швецыі, любога шведскага аўтара і музычную шведскую групу. Яўгенія Пракапчук з гэтым дастойна справілася, прыемна ўразіўшы сваіх экзаменатараў. Шведы адрэагавалі захопленымі рэплікамі, сутнасць якіх прысутныя зразумелі без перакладчыка. І, не чакаючы, бурна апладыравалі нашай Яўгеніі.
Адзін з членаў журы, рэдактар газеты «Брэсцкі кур`ер» Мікалай Аляксандраў прапанаваў усім юным паэтам з рэгіёнаў Брэстчыны дасылаць свае творы да яго ў рэдакцыю. Па словах галоўнага рэдактара, лепшыя творы будуць перыядычна публікавацца на старонках выдання і яго інтэрнэт-версіі газеты.
У двухдзённай праграме шведскія і беларускія паэты і пісьменнікі сустрэліся з аматарамі літаратуры. Аб Скандынавіі ў цэлым і шведскай літаратуры ў прыватнасці распавялі вядомыя шведскія паэткі Сісэль Альмгрэн і Аніта Якабсан. Сучасную беларускую літаратуру прадставіла брэстчанка Наталля (Наталка) Бабіна. Свае вершы таксама прачыталі брэсцкія паэты Мікалай Аляксандраў, Ярына Дашына і Алесь Паплаўскі. Прайшла сустрэча са знакамітым шведскім фатографам Марыяй Сёдэрберг.
Новости
- 18:42 28.06 Как выбрать матрас правильно
- 18:37 28.06 Медработники рассказали, как не получить тепловой удар
- 16:39 28.06 Лучшие магазины по продаже пластиковых ящиков в Минске
- 16:37 28.06 Рейтинг магазинов по продаже растущей мебели для детей в Беларуси
- 13:05 28.06 Чем опасны клещи и как защитить себя от их укуса
- 12:47 28.06 Спасатели разработали интерактивную карту разрешенных для купания мест
- 12:26 28.06 Новая «сотка», базовые счета в банках и отмена надбавок медикам: что поменяется в Беларуси с 1 июля
- 11:56 28.06 Суд в Барановичах вынес приговор за «акт терроризма» — 12 лет лишения свободы
- 10:35 28.06 Грузовик насмерть сбил пенсионерку в Ганцевичском районе
- 09:50 28.06 20 советов, которые помогут похорошеть за 10 дней
- 20:15 27.06 Как в Ганцевичах решить проблему с уличным освещением
- 18:31 27.06 Как заряжать литий-ионный аккумулятор?
- 16:18 27.06 На что необходимо обратить внимание при выборе видеокарты?
- 15:35 27.06 Диваны: тренды, на что обратить внимание при покупке
- 15:33 27.06 Как выбрать диван для гостиной
- 14:15 27.06 В день молодежи в Ганцевичах на городскую площадь выкатили пушки
- 11:07 27.06 Жару заказывали? В Брестской области в ближайшие дни может быть до +36 градусов
- 09:39 27.06 Какие продукты можно есть и после того, как истек срок годности: список
- 11:01 26.06 Ярко, громко, молодёжно: Минские барабанщики дали жару на площади в Ганцевичах
- 12:20 25.06 Что будет на День молодежи в Ганцевичах и как отмечали праздник раньше: видео