weather

USD 2.515

EURO 2.6299

RUR(100) 3.9596

search

Вулічныя трэніроўкі «Street Workout » не падвергнуць сэрца празмернай нагрузцы

Маё цела стала прыгажэйшым і мацнейшым, гэта акалічнасць мне абавязкова дапаможа ў будучым, так разважае Ілья Хандрыка, вучань 11-га класа, які разам са сваімі сябрамі ўжо год паспяхова асвойвае Street Workout (з англ. трэніроўка на вуліцы) - фізкультурныя заняткі на вуліцы.

Ілья Хандрыка
Ілья Хандрыка

Характэрнай рысай гэтага руху з`яўляецца тое, што заняткі не патрабуюць нейкіх грашовых расходаў на залы або фітнес-цэнтры. Дастаткова выйсці на вуліцу, уключыць фантазію і пачаць прыдумваць разнастайныя практыкаванні. Дрэвы, дзіцячыя пляцоўкі, вечкі каналізацыйных люкаў, бетонныя блокі, сцены будынкаў- амаль ўсё можна выкарыстоўваць у дапамогу для развіцця свайго цела.

Людзі, якія захапляюцца такімі трэніроўкамі, называюць сябе па-рознаму: воркаўтары, вулічныя спартсмены. Да вулічных спартсменаў адносіць сябе і сваю каманду Ілья, які з малых гадоў вельмі любіць спорт

Street Workout - вулічныя трэніроўкі

— Год таму, выпадкова ў інтэрнэце я убачыў відэа, у якім было паказана, як моцныя хлопцы займаліся на турніках і брусах. Гэта мяне моцна зачапіла, мне захацелася стаць падобным да іх і я пачаў гэтак жа штодня займацца на турніку, спрабаваў нешта зрабіць, прыдумаць сваё.

 Толькі пазней я даведаўся, што гэты кірунак называецца Street Workout, які ўжо вялікімі тэмпамі набірае абароты па краіне і  за яе межамі. Мы з сябрамі трэніруемся на нашай любімай школьнай пляцоўцы.


Street Workout

Выконваем прысяданні, адцісканні ад зямлі, падцягванні на турніках, практыкаванні на брусах. Вулічныя трэніроўкі маюць некаторыя перавагі перад сілавымі заняткамі. У трэнажорнай зале без вопыту можна лёгка падвергнуць сэрца празмернай нагрузцы, што малаверагодна пры Street Workout .




Street Workout  на школьнай пляцоўцы

Праграму трэніровак кожны падбірае сам сабе, у залежнасці ад вынослівасці. На добрую трэніроўку гадзіны паўтары ў дзень патрэбны, а сяброўская падтрымка і парады цалкам замяняюць трэнера.


Street Workout

Хаця, мы з сябрамі усё ж звяртаемся да відэа Міхаіла Барата, які здымае навучальныя відеэаурокі і загружае іх на ютуб.
Мы ганарымся тым, што вядзем здаровы лад жыцця. У нашых планах гэтым летам прыняць удзел у воркаут- спаборніцтвах. У маіх асабістых планах:займацца, займацца і яшчэ раз займацца.

 Прыемна, што і бацькі і настаўнікі нас падтрымліваюць, бо галоўнае, каб не было шкодных звычак. А мы за здаровы лад жыцця!!!

Street Workout

 

Новости

Материалы по теме
Из рубрики
Top