weather

USD 2.5354

EURO 3.0615

RUR(100) 3.4206

search

Чаму ксёндз ходзіць па калядзе

Пасля святаў Божага нараджэння ў католікаў распачынаецца час пастырскіх візітаў, або так званая каляда. Ксёндз наведвае парафіян, каб благаславіць вернікаў ііх сем`і, асвяціць іх жыллё. Наколькі важныя душпастырскія адведзіны, як яны праходзяць і які плён прыносяць? На гэтыя і іншыя пытанні адказала парафіянка мясцовага касцёла Марыя Заляценка.

Фото: Сергей Багров

Навошта патрэбна пастырскае наведванне?

Каляда – гэта, перш за ўсё, сустрэча святара са сваёй паствай, каб бліжэй пазнаёміцца з парафіянамі, даведацца, як і чым яны жывуць. Вернікі не заўсёды маюць магчымасць сустрэцца са святаром, падзяліцца сваімі перажываннямі, а некаторыя проста саромеюцца «забіваць галаву» ксяндзу сваімі праблемамі. А вось падчас калядных сустрэч кожны з нас перажывае радасць ад таго, што патрэбны парафіі і нашаму святару.

Чаму ксёндз ходзіць па калядзе

Так з`яўляецца пэўнае супрацоўніцтва па ўмацаванні веры і стварэнні моцнай парафіяльнай супольнасці. Кожная каталіцкая сям`я рада бачыць ксяндза ў сваім доме. З дзяцінства нас бацькі вучылі шанаваць прыказку «Госць у дом – Бог у дом». Таму мы верым, што са святаром да нас прыходзіць сам Езус.

Чаму ксёндз ходзіць па калядзе

Вы асабіста запрашаеце ксяндза наведаць ваш дом ці ён сам прыходзіць да вас?

Ксёндз Ян (як, дарэчы, і кс. Юзэф, кс. Андрэй, кс. Анджэй, якія былі нашымі духоўнымі айцамі да яго) не першы год наведвае нашы сем`і, таму няма неабходнасці кожны год звяртацца да святара з запрашэннем. Дастаткова ўважліва слухаць падчас заканчэння імшы душпастырскія аб`явы, каб ведаць, у які дзень на нашу вуліцу завітае святар.

Чаму ксёндз ходзіць па калядзе

У нас ёсць адказныя за гэты працэс асобы, а ў касцёльнай канцылярыі – картатэка, таму кожнаму з нас дастаткова толькі паведаміць адказным за спіскі асобам, што мы згодны прыняць у гэты дзень ксяндза.

Калі ж сям`я па нейкіх прычынах не можа прыняць візіт святара ў вызначаны час, то папярэдне паведамляе пра гэта і дамаўляецца на іншы дзень.

Як праходзіць пастырскі візіт у сем`ях?

Спачатку адбываецца абрад асвячэння жылля. Ён складаецца са спеваў каляднай песні, малітвы святара разам з членамі сям`і і акраплення жылля святой вадой. А потым ксёндз гутарыць з гаспадарамі дома і іншымі членамі сям`і.

Чаму ксёндз ходзіць па калядзе

Таму варта зараней падрыхтаваць пытанні, якія хочацца выясніць ці атрымаць пэўную параду ў вырашэнні праблемы. Такі візіт прыносіць у дом спакой і лагоднасць, з`яўляецца яшчэ большае жаданне жыць па-Божы, стаць лепшымі.

Ці шмат часу доўжыцца такое наведванне?

Час візіту, канечне ж, розны. Ён можа доўжыцца 10 хвілін (але ніяк не менш), а можа скласці і 20, і 30 хвілін ці больш – усё залежыць ад сям`і і тых праблем, якія могуць там быць.

Чаму ксёндз ходзіць па калядзе

Колькі грошай ахвяруеце святару за пастырскае наведванне?

У касцёле не існуе цэнніка за паслугі святара і ніхто не называе канкрэтнага кошту. Таму адкажу: ахвяруе хто колькі можа. Падкрэсліваю, што гэта менавіта ахвяра, дабравольны жэст, а не аплата за «працу» святара.

Чаму ксёндз ходзіць па калядзе

Атрыманыя сродкі ў любым выпадку пойдуць на патрэбы парафіі: рамонтныя працы, аплату за электрычнасць і газ, на арганізацыю сустрэч, пілігрымак і іншае. Ксёндз прыходзіць да нас не дзеля грошай, а каб памаліцца, паблагаславіць сям`ю і асвяціць дом, каб у ім прысутнічаў Дух Божы.

Адкуль паходзіць звычай каляднага наведвання?

У рэлігійным часопісе «Дыялог» гадоў мо больш за дзесяць таму я прачытала, што ўжо ў раннім Сярэднявеччы ў касцёльных дакументах сустракаліся запісы пра душпастырскія адведзіны пасля Божага нараджэння.

Чаму ксёндз ходзіць па калядзе

Прыводзіліся і яшчэ старэйшыя факты такой практыкі. Ды і ў Евангеллі Святога Мацвея чытаем, што мудрацы, пакланіўшыся Езусу, вярталіся ў свае краіны іншай дарогай, наведвалі розныя гарады і вёскі, дзе абвяшчалі навіну пра Бога, народжанага ў чалавечым абліччы.

Чаму ксёндз ходзіць па калядзе

Дарэчы, здзяйсняць душпастырскія адведзіны сваіх парафіян абавязвае святароў і Кодэкс кананічнага права.

Из рубрики
Top