weather

USD 2.5256

EURO 3.0596

RUR(100) 3.4142

search

Крыніца: Урад легалізуе ценявы абменны курс рубля

Паводле інфармацыі агенцтва «Інтэрфакс», урад і Нацбанк Беларусі дамовіліся легалізаваць «ценявы» абменны курс беларускага рубля, які склаўся ва ўмовах дэфіцыту валюты. Рынкавы курс будзе фармавацца на альтэрнатыўнай сесіі на Беларускай валютна-фондавай біржы.

«Урад і Нацбанк у пятніцу зацвердзілі праграму дзеянняў па пераадоленні валютнага крызісу, якая, у прыватнасці, прадугледжвае наяўнасць альтэрнатыўнага рынкавага абменнага курсу беларускага рубля», — нібыта паведаміў удзельнік нарады ў прэзідэнта па пытаннях сацыяльна-эканамічнага развіцця, якая адбылася ў пятніцу.

«На біржы будзе ўведзена другая сесія, дзе абменны курс будзе ўсталёўвацца на рынкавых умовах, зыходзячы з попыту і прапановы юрасоб», — растлумачыла крыніца. Пры гэтым захаваецца дзейсны біржавы механізм вызначэння афіцыйнага курсу, гэта значыць ён будзе ўсталёўвацца падчас асноўнага гандлю, зыходзячы з прапановы ў рамках абавязковага продажу часткі валютнай выручкі. У гэтай частцы Нацбанк захавае механізм лімітаванага задавальнення попыту для крытычнага імпарту (газ, медыкаменты) і пагашэння валютных крэдытаў.

Курсу куплі і продажу валюты для фізічных асобаў не зменіцца — усё той жа калідор +2% ад афіцыйнага курса Нацбанка.

Валюты ў абменніках можна не чакаць. На сёння афіцыйны курс даляра складае 3060 рублёў, у той час курс на міжбанку рынку дасягае 4500 рублёў.

Top