weather

USD

EURO

RUR(100)

search

Лыжня — 2011

Бадзёры настрой, ўзнагароды, віншаванні, а таксама адпачынак для душы і цела атрымалі ўдзельнікі лыжных гонак Ганцаўшчыны, які прайшлі ў мінулыя пятніцу і суботу, 14-15 студзеня, ва ўрочышчы Горкі. А асаблівасцю “Лыжні-2011” стала тое, што большасць узнагарод заваявалі тыя каманды, за якія выступалі лыжнікі з Круговіч і Ганцавіч.

Фото: Петр Гузаевский

Удзел у раённай спартакіядзе “Ганцавіцкая лыжня-2011” прынялі каля двух соцен дарослых і дзяцей. У пятніцу мужчыны спаборнічалі ў індывідуальнай гонцы на дыстанцыі 5 кіламетраў, жанчына на 3 км.  А ў суботу прайшлі эстафетныя гонкі на дыстанцыі 1,5 км.

Лыжня - 2011

У асабістым заліку ў сваіх ўзроставых катэгорыях пераможцамі сталі: да 18 гадоў —  Віка Вайцяховіч і Антон Краўцоў з САШ № 3, ў падгрупе да 39 гадоў не было роўных Але Гімаздзінавай з САШ № 3 і Эдуарду Пакумейка  з РАНС, да 49 гадоў – 1-е месца занялі Наталля Фядосава, аддзел культуры, і Аляксанд Радзюк з ААТ “Модуль”. Дарэчы трое апошніх з названых пераможцаў – усе жыхары Вялікіх Круговіч.  Менавіта ў гэтай вёсцы ў былыя часы лыжнікі заўсёды былі ў фаварытах, і не аднойчы адстойвалі гонар раёна  і вобласці на  абласных і рэспубліканскіх спаборніцтвах.

Невыпадкова, што і ў эстафетных гонках, дзякуючы вялікаму укладу спартсменаў-кругаўцоў, іх каманды занялі першыя месцы. Так сярод устаноў, арганізацый і прадпрыемстваў мацнейшай была каманда аддзела культуры, за якую выступала бібліятэкар Круговіцкай бібліятэкі Наталля Фядосава. Сярод каманд аграгарадкоў і сельскіх населеных пунктаў выйгралі гонку лыжнікі з вёскі Вялікія Круговічы. А ў раённай эстафеце сямейных каманд сям’і Эдуарда і Марыны Пакумейкаў і іх сыну-чацвёракласніку Дзянісу з В. Круговіч нават не знайшлося канкурэнтаў – на іх рахунку заслужанае 1-е месца.

Эстафету кіруючых работнікаў выйграла каманда ДРБУ-100.
Сярод навучальных устаноў лепшы вынік паказалі прадстаўнікі САШ № 3.

На цырымоніі ўзнагароджвання пераможцы і прызёры атрымалі граматы  і грашовыя прэміі. І гэта многім лыжнікам-аматарам прыдало яшчэ больш бадзёрасці і настрою.

Лыжня - 2011
Лыжня - 2011
Лыжня - 2011
Лыжня - 2011
Лыжня - 2011

Бадай, адзінай заўвагай да арганізатараў, а менавіта да аддзела райвыканкама  па фізічнай культуры спорта і турызма былі выказванні ганцаўчан ужо пасля спаборніцтваў. І тычыліся яны нізкай інфармаванасці насельніцтва. Інфармацыя адсылаецца ў дзяржаўныя арганізацыі і ўстановы, а пра астатніх жыхароў раёна ў чарговы раз забываюцца.

фото латвии, билеты и поиск туров.

Новости

Top