«Скураны мяч» павезлі ў Люсіна

Пераможцы турніру «Скураны мяч» - футбалісты Люсінскай сярэдняй школы / Фото: Петр Гузаевский

На працягу двух дзён юнакі 1997-1999 гадоў нараджэння з гімназіі, САШ №1, САШ №2, САШ №3, Агарэвіцкай, Хатыніцкай і Люсінскай сярэдніх школ змагаліся за права стаць пераможцам. І было гэта досыць няпроста. Асабліва тым камандам, якія гулялі на цэнтральным гарадскім стадыёне, бо ў першы дзень юныя футбалісты іншы раз шукалі мяч, які хаваўся ў траве. Праўда, на фіналы, якія прайшлі на наступны дзень, касілку ў Ганцавічах арганізатары ўсё ж знайшлі.

З дзвюх груп у фіналы выйшлі тры каманды з навучальных устаноў горада і адна вясковая – з Люсіна. Але вясковыя хлопчыкі не разгубіліся і гаспадарылі на полі. У матчы за першае месца з камандай САШ №1 люсінцы прымусілі варатара сапернікаў падчас сустрэчы пяць разоў даставаць мяч з сеткі варот. Гарадскім хлопчыкам удалося толькі тройчы прарваць абарону і атрымаць асалоду ад забітых галоў.
Атрымаўшы перамогу з лікам 5:3, люсінская каманда ўпісала сваю перамогу ў гісторыю 2011 года.

Аддзел райвыканкама фізкультуры, спорту і турызму БРСМ уручыў Кубак пераможцам і лепшым ігракам каман-фіналістаў. У САШ №1 лепшым іграком прызнананы Андрэй Іванісеня, а ў люсінскай камандзе  – Аляксандр Занька.