weather

USD

EURO

RUR(100)

search

Беларусы змогуць выязджаць за мяжу са старымі вадзіцельскімі пасведчаннямі да заканчэння тэрміну іх дзеяння, заявілі ў ДАІ

Мінск, 2 сакавіка. Нягледзячы на тое, што 29 сакавіка набылі моц папраўкі да Еўрапейскай канвенцыі аб дарожным руху, грамадзяне Беларусі змогуць выязджаць за мяжу са старымі вадзіцельскімі пасведчаннямі да заканчэння тэрміну іх дзеяння. Пра гэта на прэс-канферэнцыі 2 сакавіка ў Мінску заявіў намеснік начальніка ўпраўлення ДАІ МУС Максім Падбярэзкін.

Паводле яго слоў, такая магчымасць прадугледжана канвенцыяй. Пры гэтым беларуская Дзяржаўтаінспекцыя не можа гарантаваць, што нейкая з еўрапейскіх краін не ўвядзе свае правілы і старыя вадзіцельскія пасведчанні беларусаў там перастануць прызнаваць. Такі вопыт, адзначыў Падбярэзкін, ёсць. У Італіі і Аўстрыі некалькі гадоў таму былі выпадкі, калі мясцовыя паліцэйскія без растлумачэння прычын канфіскоўвалі ў беларускіх вадзіцеляў грузавікоў далёкага накіравання пасведчанні толькі таму, што ім было штосьці незразумела. З машын здымалі нумары, забіралі тэхнічныя пашпарты. Упраўленне ДАІ МУС спрабавала высветліць прычыну такіх дзеянняў у пасольстве Італіі ў Мінску, але безвынікова, сказаў прадстаўнік рэспубліканскай Дзяржаўтаінспекцыі.

Нагадаем, выдача вадзіцельскіх пасведчанняў новага ўзору, якія адпавядаюць міжнародным патрабаванням, у Беларусі пачалася 1 лютага. Як паведаміў старшы інспектар УДАІ МУС Дзмітрый Гарыновіч, новыя пасведчанні атрымалі ўжо больш за 85 тысяч беларускіх вадзіцеляў. Больш за ўсё такіх дакументаў выдадзена ў Мінску, Брэсцкай і Гродзенскай абласцях.

Зараз у падраздзяленнях ДАІ ніякіх чэргаў няма. Аднак, як адзначыў Падбярэзкін, пэўны ажыятаж, створаны вакол праблемы ў СМІ напярэдадні пачатку выдачы новых вадзіцельскіх пасведчанняў, прывёў да таго, што 1, 2 і 3 лютага ў чэргах за імі стаялі не вадзіцелі грузавікоў далёкага накіравання, а пенсіянеры і студэнты.

Новости

Из рубрики
Top